ليه ممكن تعمل ابليكشن ب 50000 جنيه لما ممكن اعملهولك ب 10000 جنيه وليه اصلا يبقى فيه فرق فى الاسعار . دا ان شاء الله اللى هنعرفه بس لما نعرف أيه هى مراحل تكوين أى software واللى بنسميها SDLC ولو مش عايز تعرف ليه فرق الاسعار لازم برضو تقرأ البوست لان المصطلح دا سهل جدا تلبسه فى الانترفيو فهتقرأ البوست يعنى هتقرأه .
دردشة
خلينا أسئلك سؤال الأول وانت بعتمل ابليكشن او أى software أول حاجه بتعملها أيه او أيه الخطوات اللى بتعدى عليها لحد ما يكون ال application يكون جاهز ؟ معلش ممكن قبل ما تكمل البوست تجيب ورقه وقلم وتكتب الخطوات بتاعتك هعرف لو كملت البوست من غير ما تكتب انت حر
-خلينى اقولك الاجابه المتوقعه بجيب الفكره وافتح ال editor بتاعى واشتغل ويمكن كمان الفكره اعدل عليها وانا بشتغل.
تعالى بقا نشوف ايه الخطوات اللى كانت ناقصنا واللى بتزود السعر.
Software Development Life Cycleالجمله الغريبه دى هى الاختصار اللى ذكرناه فوق بتاع SDLC .
دوره حياه تطوير البرنامج اللى بتشمل كافه مراحل انشاء الابليكشن من بداية الفكرة حتى يتم اطلاقه.
لاحظ اننا قولنا مراحل يعنى خطوات هنمشى عليها عشان نطلع الابلكيشن بتاعنا بس قبل ما نعرف الخطوات نشوف أهمية ال SDLC.
الاهمية تفصيل الإجراءات والأساليب المتبعة لحوكمة وضبط عمل فريق تطوير البرمجيات، والتي أصبحت أساس من أساسيات بناء اي مشروع.
يعنى يكون عندك معايير يمشى عليها التيم اللى شغال عشان تتأكد ان الشغل صح ولو حصل خطأ تعرف حصل فين.
مراحل ال SDCL عشان انتم بتزهقوا من البوستات الطويله هنتكلم عن كل مرحله باختصار
يكش تكونوا مبسوطين دلوقتى
Planning
المرحلة دى بتعمل دراسة الجدوى للمشروع، والتواصل مع العميل لفهم المشروع وبناء صورة مبدئية له وبتتحقق لو قادر على تنفيذ المشروع فهي تعتبر مرحلة اتخاذ القرار.
Analysis
دى لو قررت تنفذ المشروع فبتبدأ تقرب أكثر من العميل لفهم المشروع، وتحديد ال Requirement بتاعته، وتحديد المفاهيم والأهداف واطار المشكلة. اللى ممكن تعرفها من خلال انترفيو مع الناس اللى هيستخدموا الابلكيشن او تعمل استطلاع رأى حول نقطه معينه للمستخدمين .
Design
المرحله دى يتم من خلالها عمل التصميم المبدئي للمشروع ومش مقصود هنا بالتصميم انك تعمل GUI للابلكيشن المقصود هنا انك تحط الخطوط العريضه للمشروع مثلا هنستخدم لغه برمجه اى الفانكشن اللى عندك الخ هقولك مثال ليه عارف ال UML دا نوع من انواع ال design.
Implementation
بتاخد الديزاين والوظائف اللى محتاج يعملها الابليكشن وتبدأ تحوله بلغات البرمجة اللى اخترتها لكود .
Testing
هنا بقا نبدأ نتأكد ونختبر لو الابلكيشن بعد ما خلص شغال بطريقه صح الابلكيشن مجموعه اجزاء بتشتغل جزء جزء فالاختبار دا بيتم على مراحل.
1- تختبر لو الكود مكتوب صح ومفهوش اخطاء.
2-هل كل جزء بييطلع النتيجه المتوقعه ولا لا مثلا لو عند فانكشن بتاخد رقم بتشوف لو المستخدم ادها حرف البرنامج هيتصرف ازى.
3- هل كل الاجزاء مترابطه مع بعض ولا لا وبكدا بطلع اول فيرجين beta.
Deployment and Maintenanceخلاص خلصت الشغل عندك فى الشركه تطلع بقا الابليكشن للعميل يبدأ يشتغل عليه وتبدأ تتابع معاه عشان لو هتعدله حاجه فى الابليكشن.
--------------------------------------------------------------------------------------------------------------------------------------
SDLC Modelطبعا عشان تنفذ كل المراحل اللى فوق محتاج نموذج تمشى عليه ايه فالحقيقه فى مدارس مختلفه وكل مدرسة بتنفذ الخطوات دى بطريقتها الخاصة من الاخر الطرق اللى هنقولها دى هى بتتكون من نفس مراحل ال SDLC هتلاقى مدرسه مثلا مقسمه الديزاين دا لمرحله مدرسة تانيه لمرحلتين وكل طريقه من دى ليها مميزاتها وعيوبها طب ايه المراحل دى.
Waterfall Model
Iterative Model
Spiral Model
V-Model
Big Bang Model
--------------------------------------------------------------------------------------------------------------------------------------
الى اللقاء
مش عارف البوست طول ولا لا بس معلش نستحمل بعض
ياريت تروح تسيرش اكتر عشان دا اللى هيخلى الكونسبت يثبت معاك.
بس كدا انا خلصت عندكوا اى تعليقات او اضافه ياريت تعرفونا ومتنساش تعمل لايك وشير وصبصكرايب معلش اندمجت شويه
يلا سلاااااام.
Comments
Post a Comment