machine learning vs deep learning vs ai شرح

هو يعنى ايه Machine Learning وايه ال Deep Learning دى وال Artificial Intelligence او الذكاء الاصطناعى اللى عملو ليه كليات مخصوص دا أيه علاقات المصطلحات دى ببعض أنا اتلخبط

دردشة

طبعا شويه المصطلحات دى اكيد سمعت على الاقل واحد منهم مش كدا ولا أيه يمكن كمان مفكر انها تكنولجى جديده بس هى اقدم منك يا معلم كمان ايو موجوده قبلك.

بس اكيد مكنتش بالقوه الحاليه بس بقت تريند الفترة اللى فاتت وبقينا مجبروين على التعامل معاها لانها بقت فعلا جزء من حياتنا بتشوفها وانت بتستخدم google translate - google search طب اقولك على حاجه تانيه عارف التليفون اللى بتخش على جوجل تدور على صوره ليه وتشوف اسعاره وترجع تلاقيه على الفيس قدامك كاعلان

طب عارف اقتراحات الاصدقاء طب تعرف العربيات اللى بتمشى لوحدها طب تعرف صوفيا الانسان الالى عرفت بقا اننا متحاصرين

-----------------------------------------------------------------------------------

Machine Learning

دا أول مفهوم هنتكلم عنه ومن اسمه انه تعليم الاله أنت عندك طفل وعندك أله الاتنين نفترض معلوماتهم صفر جيت للطفل وريته صوره سيارة

حلو؟ مش هيعرف يقولك دى أيه فضلت أنت تجيبله صوره عربيه من ماركه x وتقوله اسمها سياره وتانيه من ماركه y وتقوله سياره وهكذا الطفل اترسم فى عقله شكل العربيه عباره عن مجموعه نقط بتمثل شكل العجله وشكله السياره وكل تفصيله انت ورتهاله لو جيت تانى يوم جبت ليه صوره عربيه من نوع z هيقولك دى سياره .

فى مرحله التعليم احنا معملناش اي algorithm ولا اى حاجه عشان نعلمه لا احنا ادينا ليه مجموعه من الداتا وخلينا عقله يدركها بس .

الـ Machine Learning هو نفسه نفسه الطفل، لا نقوم من خلال الـ Machine Learning بصناعة خوازرميات و تركيبها في الاله من أجل الإطلاع او المعرفة، بل ما نقوم به هو تزويد الاله بمجموعة من المعلومات التي تسمى Inputs و كذلك مخرجات أجهزة Machines أخرى على شكل Outputs في الاله اللى عايز تعلمها، و نتركها تقوم بإبتكار طريقة تفكيره او تعلمه للأشياء، و حين يتم تدريبه جيدا، فيمكننا تنصيب هذا الـ Machine Learning في أي مكان و لن يختلف ذكائه اذا هو عنده جزء من الابتكار بس بسيط حاول تعيد الكلام تانى وسيرش وافهم اكتر قبل المفهوم الجاى.

-----------------------------------------------------------------------------------

تطبيقات

دى بعض التطبيقات اللى معتمده على ال Machine Learning

Virtual Personal Assistants

Predictions while Commuting

Videos Surveillance

Social Media Services

Email Spam and Malware Filtering

Online Customer Support

Search Engine Result Refining

-----------------------------------------------------------------------------------

Deep Learning

نيجى بقا لزغلول الكبير احنا قولنا ان ال machine learning بتاخد معطيات وبيخلق طريقه يتعلم بيها اللى بيحصل جوا الاله ان الداتا دى بتتخزن فى شكل طبقات اللى بتخليك تحلل الداتا وتخزينها من خلال حاجه اسمها Neural Networks جوها فيه طبقه تانيه اسمها Deep Learning ايه دا يعنى ال Deep Learning جزء من Machine learning او طبقه جواه ايو

طيب كدا احنا عرفنا علاقتهم ببعض بيعمل ايه بقا الجزء دا خد نفس كدا واشرب بوء مياه وتعالى ....... خلاص جاهز تعالى بقا

ال Deep Learning طبقة مؤهلة تسمح بدراسة تلك البيانات بشكل أعمق والقيام بأعقد العمليات الحسابية و أكثرها صعوبة ومش بس كدا لا دا بيصحح اخطاءه كمان مش وضحه صح ؟ طب ما تيجى نربطها بمثال مع جزء ال Machine Learning .

-----------------------------------------------------------------------------------

مثال توضيحى

لنفترض ان جهاز Machine Learning قمنا بتجهيزه وعرفته حركات لعب لعبة الشطرنج و طريقة لعبه، و أصبح قادرا على لعب الشطرنج بإحترام القواعد و تحريك كل قطعة بالشكل الملائم لها يعنى الحصان لما يعمل حرف L يلاقى مكانه فاضى ينقله يبقا بيلعب صح ولا غلط بيلعب صح اهو ، لكن لو حبنا الجهاز في تحدي مع لاعب شطرنج هل سيستطيع التفوق عليه بناءً على ما قمنا بتزويده من معلومات ؟ الجواب هو لا، لأنه قادر فقط على تحريك القطع بما يناسب قطعه الشطرنج و غير قادر على تحريكه لهزيمة اللاعب الآخر، الجزء المتحكم بالتفكير و محاولة إيجاد مخرج للفوز و التغلب على لاعب الشطرنج هو الـ Deep Learning .

طب بيفكر ازى من كتر المباريات اللى هيلعبها عشان كدا قولنا بيصحح اخطاءه ويفضل يلعب ويتعلم لحد ما يوصل ان يكون صعب انسان يكسبه.

اعتقد باذن الله ان الفرق كدا بقا واضح بين ال Machine Learning & Deep Learning تروح تسيرش وتشوف انت تطبيقات بقا .

-----------------------------------------------------------------------------------

Artificial Intelligence

شوفت اللى فوق دا كل يندرج تحت الكلمه دى الذكاء الاصطناعى اذا دا فرع كامل الهدف منه محاكه قدره ذكاء الانسان ممكن يكون الذكاء دا فى شكل من النوعين اللى اتكلمنا فيهم فوق او حاجه من فروع تانيه وهسيب ليكوا صوره بتوضح الفروع اللى بتيجى تحت ال artificial intelligence

الى اللقاء

بس كدا انا خلصت عندكوا اى تعليقات او اضافه ياريت تعرفونا ومتنساش تعمل لايك وشير وصبصكرايب معلش اندمجت شويه

يلا سلاااااام.

#Artificial_Intelligence

#Machine_Learning

#Next_Step